𝗟𝗔𝗡𝗧𝗔𝗪: 𝗖𝗵𝗶𝗹𝗱𝗿𝗲𝗻’𝘀 𝗠𝗼𝗻𝘁𝗵 𝗖𝗲𝗹𝗲𝗯𝗿𝗮𝘁𝗶𝗼𝗻, 𝗴𝗶𝗯𝘂𝗸𝘀𝗮𝗻 𝗻𝗮 𝘀𝗮 𝗹𝘂𝗻𝗴𝘀𝗼𝗱 𝘀𝗮 𝗗𝘂𝗺𝗮𝗹𝗶𝗻𝗮𝗼!

Uban sa tema nga “Break the Prevalence, End the Violence: Protecting Children, Creating a Safe Philippines!” , malampusong gibuksan kagahapong adlawa ang pagsaulog sa Children’s Month 2024 sa Municipal Ground, Dumalinao, Zamboanga del Sur, Nobyembre 4, 2024.

Ang maong aktibidad gipasiugdan ni Municipal Mayor Junaflor “Sweet” Cerilles pinaagi sa buhatan sa National Child Development Center sa lungsod sa pagpangulo ni Teacher Mai Jumuad ug gisalmutan sa mga tinun-an, ginikanan, nagkadaiyang ahensiya ug mga empleyado sa lungsod.

Atol sa nasangpit nga kalihukan, gipangunayan sa mga tinun-an sa NCDC Dumalinao ang nahitabong flag raising activity.

Gipahigayon usab ang libreng medical check-up ngadto sa mga kabataan ug pagpang-apud-apud sa mga tambal ug vitamins sa pagpanguna sa RHU Dumalinao.