Pinaagi sa lig-on nga pagtinabangay sa LGU Dumalinao sa pagpanguna ni Municipal Mayor Junaflor “Sweet” Cerilles , MDRRMO sa pagpangulo ni Joemar E. Suganob kaabag ang PNP Dumalinao, BFP Dumalinao, 10IB 1ID Philippine Army, BSP Dumalinao, SWM, RHU, Traffic Office ug mga BDRRMC’s sa matag Barangay sa lungsod, nagmalampuson ang duha ka adlaw nga Oplan Kalag-Kalag 2024 nga nagsugod kaniadtong Nobyembre 1 ug natapos sa Nobyembre 2, 2024.
Atol sa nasangpit nga aktibidad gipatuman ang Incident Command System o ICS diin ang lima ka mga dagkong sementeryo sa lungsod nga gilangkuban sa Main Cemetery sa Pinig-Libano, Barangay Baga, Barangay Malasik, Barangay Rebokon ug Barangay Tina adunay gipahiluna nga mga Incident Commander ug mga staff nga maoy mangulo sa pagpahiluna sa mga entry ug exit points ilabina sa seguridad.
Tungod sa maong sistema nahimung han-ay ug malinawon ang paghandum sa Kalag-Kalag 2024.
Dako usab ang pagpasalamat sa mga katawhan nga nibisita sa Main Cemetery ngadto kang Mayor Sweet Cerilles sa tinuig niini nga pagpatuman sa LIBRENG SAKAY diin dili na mahago ug mamiliti ang mga managkutay.
Gikan sa LGU Dumalinao, amoang dakong pagpasalamat sa tanang ni-cooperate nga mga katawhan ilabina sa mga partner agencies atol sa operasyon gikan sa sinugdanan hangtud na sa pagtapos.
GO DREAM DUMALINAO!
