Pinaagi sa hugot nga pagtinabangay sa Local Government Unit sa lungsod sa Dumalinao, Provincial Agriculture Office sa lalawigan sa Zamboangadel Sur, Department of Agriculture ug Barangay Pantad Womens Fisherfolks Association, malampusong gipahigayon karung adlawa ang Turn-over Ceremony sa Consolidation and Trading For Raw Dried Seaweeds sa Barangay Tickwas, Dumalinao, Zamboanga del Sur, Nobyembre 14, 2024.

Ang naasoy nga kalihukan ubos sa pagpanguna ni Pantad Womens Fisherfolks Association President Aurelia S. Ursal ug personal nga gisalmutan ni Dumalinao Municipal Mayor Junaflor “Sweet” Cerilles, IPMR Romeo Parila, mga personahe sa Department of Agriculture Region 9, Department of Labor and Employment, OIC Provincial Agriculturist Dante D. Lao-ay, DILG Office, Municipal Fisheries Technician Benjamin Baloabao Jr., mga opisyales sa Barangay Tickwas ug Barangay Pantad lakip na usab ang mga miyembro sa nasangpit nga asosasyon.

Ang maong proyekto usa ka simbolo sa panaghiusa diin pinaagi sa nagkadaiyang buhatan sa ahensiya sa gobyerno, aduna na unya’y hamugaway ug fully functional nga processing facility ug behikulo ang mga miyembro sa Pantad Womens Fisherfolks Association nga mahinungdanon kaayo alang sa pagpalambo sa ilang panginabuhian nga maong ang paggama ug mga seaweeds crackers.

Atol sa nasangpit nga aktibidad, gibilin ni Mayor Sweet Cerilles ang usa ka pagpanghinaot nga maatiman ug mapalambo pa ang maong inisyatiba alang sa kaugmaon sa mga anak sa mga miyembro sa maong asosasyon.

Gipaniguro usab ni BPWFA President Ursal, nga ilaha kining ampingan ug palambuon pa sanglit dako sila ug pagpasalamt sa pagsalig nga gisangon kanila pinaagi sa maong programa.